Gaýypdurdy Jumaýewiň “Batyr ýürekli” atly oýny halkymyzyň belli ertekisi bolan “Hudaýberdi gorkak” ertekisi esasyndadyr. Eseriň baş gahrymany Hudaýberdi Batyr özüniň pähim- paýhasy, edermenligi, ugurtapyjylygy bilen baýyň gyzy Kesirjäni ogurlan Ýeserje kempirden üstün çykyp, Kesirjäni halas edýär. Şeýle-de ol adamlara azar ýamanyny görkezýän zalym döwi hem öz  ugurtapyjylygy bilen amana getirip, ony dogry ýola salmagy başarýar. Oýunda Hudaýberdi batyryň we beýleki birnäçe gahrymanlaryň keşplerinde türkmen halkynyň edermenlik- batyrlyk, pähim-parasatlylyk ýaly ajaýyp häsiýetlerini aýdyň görmek bolýar.