Sahna barada maglumat

Synag
DAŞOGUZ WELAÝATYNYŇ NURMUHAMMET ANDALYP ADYNDAKY DÖWLET SAZLY DRAMA TEATRY

Ö.Öwezowyň eseri esasynda B.Kubikowyň sahnalaşdyran “Synag” atly oýny komediýa žanyryndadyr. Waka bir maşgalada bolup geçýär. Öý eýesi Gurt maşgalada aýal-gyzlaryň tutýan ornuna uly bir ähmiýet berenok. Şu sebäpli hem onuň aýaly Akgyz we gyzy Garagyz Gurda we ogly Taýhara sapak bolar ýaly iş etmegi ýüregine düwýärler. Akgyz Halkara zenanlar güni maşgalada aýal-gyzlar bilen erkekleriň ýerini çalyşmagy teklip edýär. Tekepbir Gurt teklibi kabul edýär. Şeýlelikde ol bu işiň hötdesinden gelip bilmän gaty kyn güne galýar. Ol maşgalada aýal-gyzlaryň ornunyň gaty uludygyna göz ýetirýär we aýalydyr gyzyndan ötünç soraýar.