Sahna oýnunda iki goňşy, iki dost dünýä injek çagalaryna garaşýarlar. Olaryň biriniň ogly, beýlekisiniň gyzy bolýar. Emma bäbekhananyň işgärleriniň günäsi bilen çagalar çalşyrylýar. Gyzy bolan Tylla oglan – Sözen berilýär, ogly bolan Merjene gyz – Doýduk berilýär. Ene atalar hiç zat duýman çagalaryny bäbekhanadan alyp gaýdýarlar.
Çagalar ýaşlygyndan bile önüp-ösýärler. Sözen bilen Doýduk bileje oýnap, bileje tirkeşip ulalýarlar.
Bäbekhananyň işgäri Şuşu daýzanyň günäsi bilen bu edilen gabahatlygy Durdynyň daýysy Nummat kötekleýär. Şuşu daýzany halasa-da, Bammat daýy onuň gödek ýalňyşandygyny ýüzüne basýar we ol tötänligi ýüze çykarjakdygyny aýdýar.
Iki köne dostuň arasyna tow düşüp, ikisi tersleşýär. Emma, näçe igenişseler hem biri-birsiz oňmaýarlar, birek-biregi küýseýärler. Köne dostlugy ýatlaýarlar. Maşgalabaşylaryň arasyna düşen tow, Sözen bilen Doýduga täsir edýär. Çagaka sögüşip-käýişip ýetginjek çykan çagalar, päk söýgüniň täsirine düşýärler.
Eseriň ahyrynda iki maşgalanyň arasyna düşen diwar ýykylýar. Dostlar ýene birek-birege gujak gerýärler. Olaryň şatlygy maşgala agzalarynyň hemmesiniň göwnüni göterýär we dostlaryň ýene-de ysnyşmagyna, iki maşgalanyň ýene-de agzybir, dostlukly ýaşamagyna getirýär.
Sahna oýnunyň ahyrynda Şuşu daýza Bammada, Doýduk Sözene göwün berýär. Päk durmuş dowam edýär.
