Sahna barada maglumat

Görogly
Türkmenistanyň Magtymguly adyndaky milli sazly drama teatry

Ýetim Göroglynyň atasy Jygalybegiň gözüni oýýarlar. Emma ol şonda-da, ol ýurtdan kowulyp çykarylsa-da, öz agtygy Göroglyny terbiýelemegi başarýar. Onuň üçin Gyrat ýetişdirýär. Agtygyna ata Watany, iliň ar-namysyny goramagy öwredýär.

Edenli ýigit Görogly garyp-gasarlaryň tarapynda bolup, watany üçin ölüme taýýar. Ol töweregine ýigitleri ýygnap, ata Watanyny janyndan eziz görýär. Batyr, edermen Göroglyny halky özüne baştutan edinip, onuň aýaly Agaýunusa-da, ýigitlerine-de uly hormat goýýar. Göroglam öz gezeginde il-gününi duşmanlardan goraýar.

Halkyň söýgüli şadessanynyň esasynda döredilen oýunda ajaýyp aýdymlar, sazlar, tanslar bar.